Իտալական A Սերիայի 20-րդ տուրում «Միլանը» Հռոմում 1:3 հաշվով պարտվեց «Լացիոյին»:
Խաղի չորրորդ րոպեին ֆրանսիացի կիսապաշտպան Ժերեմի Մենեզն առաջ մղեց միլանցիներին, բայց ընդմիջումից քիչ անց «Լացիոն» 4 րոպեում խփեց 2 գոլ: Վերջնամասում դաշտի տերերն աչքի ընկան նաեւ երրորդ անգամ՝ տանելով վստահ հաղթանակ: «Լացիոյից» դուբլի հեղինակ դարձավ իտալացի կիսապաշտպան Մարկո Պարոլոն, իսկ գերմանացի 36-ամյա հարձակվող Միրոսլավ Կլոզեն խփեց մեկ գոլ:
Այս հաղթանակից հետո հռոմեացիները շրջանցեցին մեկ խաղ պակաս անցկացրած «Նապոլիին» եւ 34 միավորով բարձրացան երրորդ տեղ: «Միլանը» չհաղթեց A Սերիայի 5-րդ խաղում անընդմեջ եւ 26 միավորով բաժանում է 8-10-րդ տեղերը:
Իտալիայի առաջնություն, 20-րդ տուր
«Լացիո» - «Միլան»՝ 3:1
Մարկո Պարոլո, 47, 81, Միրոսլավ Կլոզե, 51 – Ժերեմի Մենեզ, 4
Հեռացում՝ Ֆիլիպ Մեքսես, 90+1 («Միլան»)
«Կալյարի» - «Սասուոլո»՝ 2:1
Լուկա Ռոսետինի, 20, Դույե Կոպ, 79 - Լուկա Ռոսետինի, 76 (ինքնագոլ)
Հեռացում՝ Ֆրանչեսկո Աչերբի, 88 («Սասուոլո»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։