Ռոնալդուն ներողություն է խնդրել կարմիր քարտի համար

22:20   24 հունվարի, 2015

«Կորդոբայի» դեմ ֆուտբոլի Իսպանիայի առաջնության 20-րդ տուրի խաղում կարմիր քարտ ստացած Կրիշտիանու Ռոնալդուն ներողություն է խնդրել իր հեռացման համար: Կորդոբայում կայացած խաղում Մադրիդի «Ռեալի» պորտուգալացի հարձակվողը 82-րդ րոպեին կարմիր քարտ էր ստացել դաշտի տերերի պաշտպան Էդիմարին հարվածելու համար, իսկ Արքայական ակումբը 2:1 հաշվով կամային հաղթանակ էր կորզել վերջնամասում:

«Իմ չմտածված արարքի համար ներողություն եմ խնդրում բոլորից, հատկապես՝ Էդիմարից»,- թվիթերյան էջում գրել է 29-ամյա Ռոնալդուն, ով Կորդոբայում անցկացրեց ակումբային կարիերայի 600-րդ խաղը: 

Հիշեցնենք, որ դա 29-ամյա Ռոնալդուի 7-րդ կարմիր քարտն էր «Ռեալի» կազմում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։