Իսպանական Պրիմերայի 20-րդ տուրում առաջատար Մադրիդի «Ռեալը» հյուրընկալվելիս 2:1 հաշվով դժվարին հաղթանակ տարավ «Կորդոբայի» նկատմամբ:
Հանդիպման մեկնարկը անհաջող ստացվեց Արքայական ակումբի համար, քանի որ երկրորդ րոպեին հյուրերի դարպասին նշանակված 11 մետրանոց հարվածն անվրեպ իրացրեց «Կորդոբայի» ալժիրցի հարձակվող Նաբիլ Ղիլասը: Առաջին խաղակեսսում «Ռեալը» չէր կարողանում վտանգավոր պահեր ստեղծել մրցակցի դարպասի մոտ, սակայն 27-րդ րոպեին ֆրանսիացի հարձակվող Քարիմ Բենզեման խփեց Կարլո Անչելոտիի թիմի պատասխան գոլը:
Ընդմիջումից հետո պատկերը չփոխվեց: Մադրիդցիների մոտ ոչինչ չէր ստացվում առջեւի գծում, իսկ դաշտի տերերը երբեմն գրոհում էին շատ վտանգավոր: 82-րդ րոպեին կարմիր քարտ ստացավ «Ռեալի» պորտուգալացի հարձակվող Կրիշտիանու Ռոնալդուն, ով անցկացնում էր ակումբային կարիերայի 600-րդ խաղը: Թվում էր, թե Չեմպիոնների լիգայի գավաթակիրը միավորներ կկորցնի, բայց վերջնամասում հյուրերը կամային հաղթանակ կորզեցին: 89-րդ րոպեին «Կորդոբայի» դարպասին նշանակվեց 11 մետրանոց հարված, իսկ գնդակին մոտեցած ուելսցի Գարեթ Բեյլը խփեց «Ռեալի» հաղթական գոլը:
Իսպանիայի առաջություն, 20-րդ տուր
«Կորդոբա» - «Ռեալ»՝ 1:2
Նաբիլ Ղիլաս, 3 (11մ.) – Քարիմ Բենզեմա, 27, Գարթե Բեյլ, 89
Հեռացումներ՝ Ֆեդերիկո Կարտաբիա, 87 («Կորդոբա») – Կրիշտիանու Ռոնալդու, 82 («Ռեալ»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։