Մինո Ռայոլա. Միայն 8 ակումբներ կարող են ձեռք բերել Պոգբային

11:20   24 հունվարի, 2015

Թուրինի «Յուվենտուսի» ֆրանսիացի կիսապաշտպան Պոլ Պոգբայի գործակալ Մինո Ռայոլան հայտարարել է, որ ձմռանը ֆուտբոլիստը չի հեռանա իտալական ակումբից:

«Պոգբան 5 տարով երկարաձգել է պայմանագիրը «Յուվենտուսի» հետ: Նա ձմռանը չի հեռանա իտալական ակումբից, իսկ ամռանը հայտնի չէ, թե ինչ կլինի:

Չեմ նշի անուններ, սակայն միայն 8 ակումբներ կարող են իրենց թույլ տալ ձեռք բերել Պոգբայի տրանսֆերը»,- Ռայոլայի խոսքը փոխանցում է Sky Sports-ը:

Հիշեցնենք, որ Պոգբայի ծառայություններով հետաքրքրված են անգլիական «Մանչեսթեր Սիթին», «Մանչեսթեր Յուանյթեդը», «Չելսին» եւ Մադրիդի «Ռեալը»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։