Գործակալ. Օզբիլիսը տեղափոխության մասին չի մտածում, Մովսիսյանի նկատմամբ հետաքրքրություն կա
20:46 16 հունվարի, 2015Հայաստանի հավաքականի եւ «Սպարտակի» կիսապաշտպան Արազ Օզբիլիսի գործակալ Վալերի Հովհաննիսյանը հերքել է լուրերը, որ առաջիկայում ֆուտբոլիստը կփոխի ակումբը:
«Օզբիլիսն արդեն տեւական ժամանակ վերականգնվում է ծանր վնասվածքից: Արասն այս մրցաշրջանում խաղադաշտ դեռ դուրս չի եկել: Այժմ նա ոչ մի տեղափոխության մասին չի մտածում այլ ակումբ տեղափոխվելու մասին: Յուրա Մովսիսյանի նկատմամբ հետաքրքրություն կա, բայց առաջարկներ դեռ չեն եղել»,- Հովհաննիսյանն ասել է itar-tass-ին:
Թուրքական մամուլը գրել էր Օզբիլիսի նկատմամբ «Բեշիկթաշի» հետաքրքրության մասին:
Հիշեցնենք, որ 2014 թվականի ամռանը Օզբիլիսը ծնկի հոդակապի կտրվածք էր ստացել: Սեպտեմբերի 15-ին խաղացողը վիրահատվել էր: Բժիշկների կանխատեսումներով խաղացողը մարտին կվերադառնա խաղադաշտ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։