Ֆուտբոլի Հունաստանի առաջնության 15-րդ տուրում «Օլիմպիակոսը» մրցակցի խաղադաշտում 5:0 հաշվով հաղթեց «Կալոնիին»: Հյուրերը 4 գոլերը խփեցին երկրորդ խաղակեսում:
«Օլիմպիակոսը» սովորականի պես չէր հայտավորվել Հայաստանի հավաքականի կիսապաշտպան Գեւորգ Ղազարյանին: Ֆրանսիայի հավաքականի եւ «Բարսելոնայի» նախկին պաշտպան Էրիկ Աբիդալն «Օլիմպիակոսի» մեկնարկային կազմում խաղաց առանց փոխարինման՝ անցկացնելով պրոֆեսիոնալ կարիերայի վերջին խաղը: Այս մրցաշրջանից առաջ «Օլիմպիակոսին» միացած 35-ամյա ֆրանսիացին օրեր առաջ էր հայտարարել կարիերան ավարտելու որոշման մասին:
Հիշեցնենք, որ 2012-ին Աբիդալի մոտ ախտորոշվել էր լյարդի քաղցկեղ, ինչի հետեւանքով նա ենթարկվել էր լյարդի փոխպատվաստման վիրահատության՝ խաղադաշտ վերադառնալով 2013-ի ապրիլի 7-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։