Մադրիդի «Ռեալի» պաշտպան Սերխիո Ռամոսը աշխարհի ակումբային առաջնության եզրափակիչի «Սան Լորենցոյի» հետ հանդիպումից առաջ կատակել է՝ անդրադառնալով Հռոմի պապին, ով արգենտինական ակումբի երկրպագուն է:
«Հոսով եմ՝ նոր էջ կգրենք «Ռեալի» պատմությունում: Մեր ակումբն անցկացնում է հիանալի շրջան եւ ուրախ եմ խաղալ Կարլո Անչելոտիի գլխավորությամբ: Իտալացին հաջողությունների հիմնական «մեղավորներից է»:
«Ռեալին» աջակցում է նաեւ Աստված, այդ պատճառով պետք է շարունակենք հաղթանակների շարքը: Գիտենք, որ Արգենտինայում երկրպագուներն ապրում են ֆուտբոլով: Անգամ, առանց Հռոմի պապի աջակցության պարտավոր ենք հաղթել մրցաշարում»,- Ռամոսի խոսքը փոխանցում է Spanish Football-ը:
Հայտնի է, որ Հռոմի պապ Ֆրանցիսկոսը «Սան Լորենցոյի» երկրպագու է։
«Ռեալ» - «Սան Լորենցո» հանդիպումը կկայանա դեկտեմբերի 20-ին եւ կսկսվի Երեւանի ժամանակով 23:30-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։