Աբիդալ. Կարիերաս ավարտում եմ անձնական պատճառներով
21:14 19 դեկտեմբերի, 2014Ֆուտբոլիստի կարիերաս ավարտում եմ անձնական պատճառներով, եկել է իմ կյանքում նոր գլուխ սկսելու ժամանակը, ասել է 35-ամյա ֆրանսիացի պաշտպան Էրիկ Աբիդալն Աթենքում կայացած մամուլի ասուլիսում: Աբիդալի վերջին ակումբը հունական «Օլիմպիակոսն» էր:
«Ցանկանում եմ շնորհակալություն հայտնել «Օլիմպիակոսին» այս ամիսներին ցույց տված աջակցության համար: Շնորհակալություն եմ հայտնում նաեւ բոլոր մարզիչներին եւ բժիշկներին, որոնց հետ աշխատել եմ տարբեր ակումբներում: Շնորհակալ եմ բոլոր նախկին թիմերիս»,- Աբիդալի խոսքը մեջբերում է ՈւԵՖԱ-ի կայքը:
Աբիդալը հանդես է եկել նաեւ «Մոնակոյում», «Լիլում», «Լիոնում» եւ «Բարսելոնայում», որի հետ դարձել է Իսպանիայի քառակի չեմպիոն, Չեմպիոնների լիգայի կրկնակի գավաթակիր, ՈւԵՖԱ-ի սուպերգավաթակիր: Ֆրանսիայի հավաքականում Աբիդալը նվաճել է 2006թ. աշխարհի փոխչեմպիոնի կոչումը:
Ֆուտբոլիստը կարողացավ լյարդի փոխպատվաստումից հետո հաղթահարել քաղցկեղը եւ 2013թ. փետրվարին վերսկսել մարզումները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։