Գերմանական Opel ավտոարտադրողի ներկայացուցիչներին զարմացրել եւ զայրացրել է, որ իրենց ավտոմեքենաների գովազդներին մասնակցող Դորտմունդի «Բորուսիայի» եւ Գերմանիայի հավաքականի կիսապաշտպան Մարկո Ռոյսը 2011 թվականից ավտոմեքենա է վարել առանց վարորդական իրավունքի, հաղորդում է Bild-ը: Այս շաբաթ դատարանը 540 հազար եվրո տուգանքով պատժել էր 25-ամյա ֆուտբոլիստին զանցանքի համար:
Opel-ը Դորտմունդի «Բորուսիայի» հովանավորներից մեկն է, եւ Ռոյսը մասնակցել է ընկերության գովազդային արշավներին:
«Բնականաբար, դա զարմացրեց մեզ: Մեր գործընկերներն արդեն խոսել են Ռոյսի հետ եւ բացատրել են նրան իրադրությունը: Հետագայում ավտոմեքենա գովազդելու հարցը Ռոյսի դեպքում դեռ բաց է»,- ասել է Opel-ի ներկայացուցիչը:
Գերմանիայի հավաքականի ֆուտբոլիստները գովազդում են նաեւ Mercedes-Benz, որն ազգային հավաքականի հովանավորն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։