Էրիկ Աբիդալն ավարտեց կարիերան
17:47 19 դեկտեմբերի, 201435-ամյա ֆրանսիացի ֆուտբոլիստ Էրիկ Աբիդալը հայտարարել է պրոֆեսիոնալ կարիերան ավարտելու մասին, հաղորդում է francefootball-ը: Հունական «Օլիմպիակոսի» պաշտպանը որոշման մասին հայտարարել է Աթենքում հրավիրած մամուլի ասուլիսում:
Մինչեւ Հունաստան տեղափոխվելը Աբիդալը հանդես է եկել «Մոնակոյում», «Լիլում», «Լիոնում» եւ «Բարսելոնայում»: Աբիդալը կատալոնական թիմի հետ դարձել է Իսպանիայի քառակի չեմպիոն, Չեմպիոնների լիգայի կրկնակի գավաթակիր, ՈւԵՖԱ-ի սուպերգավաթակիր:
Ֆրանսիայի հավաքականում Աբիդալն անցկացրել է 68 հանդիպում, 2006-ին թիմի հետ դարձել աշխարհի փոխչեմպիոն:
2011-ին Աբիդալի մոտ ախտորոշվեց լյարդի քաղցկեղ: Ֆուտբոլիստը կարողացավ փոխպատվաստումից հետո հաղթահարել հիվանդությունը եւ 2013թ. փետրվարին վերսկսել մարզումները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։