Բալոտելին որակազրկվեց եւ տուգանվեց սկանդալային գրառման համար
23:19 18 դեկտեմբերի, 2014Անգլիական «Լիվերպուլի» իտալացի հարձակվող Մարիո Բալոտելին որակազրկվել է մեկ խաղով եւ տուգանվել 25 հազար ֆունտ ստերլինգով Ինստագրամում արած սկանդալային գրառման համար, հաղորդում է Անգլիայի ֆուտբոլային ասոցիացիայի կայքը: Որակազրկումն ուժի մեջ է մտնում անմիջապես: 24-ամյա ֆուտբոլիստը պետք է նաեւ անցնի պարտադիր դասընթաց հետագայում նման արարքներ չկրկնելու նպատակով:
Հիշեցնենք, որ Բալոտելին Ինստագրամում տեղադրել էր տեսախաղերի ՍուպերՄարիո հերոսի պատկերը եւ մեկնաբանել. «Պետք չէ լինել ռասիստ, պետք է լինել Մարիոյի նման: Նա ճապոնացիների հորինած, անգլերեն խոսող իտալացի ջրմուղագործ է, ունի մեքսիկացու արտաքին, ցատկում է սեւամորթի, մետաղադրամ է հավաքում հրեայի նման»: Հետագայում գրառումը հեռացվել էր, իսկ Բալոտելին ներողություն էր խնդրել:
Ֆուտբոլային ասոցիացիան հայտարարել է, որ Բալոտելին խախտել է ընդունված վարքականոնները «էթնիկ ծագման, մաշկի գույնի, կրոնի եւ կարծիքի ընտրության» վերաբերյալ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։