Լոնդոնի «Չելսիի» դարպասապահ Պետեր Չեխը նշել է, որ թիմի ելույթները պետք է գնահատել մրցաշրջանի ավարտից հետո։
«Այժմ «Չելսին» շատ լավ է խաղում, բայց դեռ ոչ մի տիտղոս չի նվաճել։ Այդ իսկ պատճառով եկեք սպասենք մրցաշրջանի ավարտին եւ տեսնենք, թե ինչի է թիմը հասել։ Ես շարունակում եմ կրկնել, որ թիմի ելույթները պետք է գնահատել մրցաշրջանի ավարտից հետո։
Իհարկե, թիմի այսօրվա կազմը շատ ուժեղ է, եւ մենք կարող ենք դառնալ «Չելսիի» պատմության լավագույն թիմերից մեկը, բայց դրա համար հարկավոր է տիտղոսներ նվաճել»,- Չեխի խոսքն է մեջբերում ESPN-ը։
Հիշեցնենք, որ Անգլիայի Պրեմյեր լիգայի 16 տուրերից հետո «Չելսին» վաստակել է 36 միավոր եւ գլխավորում է մրցաշարային աղյուսակը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։