Դեկտեմբերի 13-ին ուժի մեջ է մտել Լոզանի մարզական վճռաբեկ դատարանի որոշումը, որով Նիժնի Նովգորոդի «Վոլգան» պետք է մարի երեք տարվա վաղեմության պայմանագրերով պարտք մնացած գումարներ, հաղորդում է sovsport-ը։ «Վոլգայի» դեմ հայց էր ներկայացրել վրացի ֆուտբոլիստներ Գոգիտա Գոգուայի, Մատե Վավաձեի եւ Լաշա Սալուկվաձեի գործակալը։
Պարտքն ու կուտակված տոկոսագումարները գերազանցում են 1 միլիոն եվրոն։ Դրա հետեւանքով «Վոլգային» սպառնում է Ռուսաստանի Առաջին դիվիզիոնի առաջնությունից դուրս մնալու վտանգը, քանի որ ակումբը հնարավոր է չկարողանա վճարել գումարը։
Հիշեցնենք, որ «Վոլգայում» է հանդես գալիս Հայաստանի հավաքականի հարձակվող Արթուր Սարկիսովը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։