Ռուսական «Կրասնոդարի» սեփականատեր Սերգեյ Գալիցկին հայտարարել է, որ իր ակումբը երբեք պայմանագիր չէր կնքի Արշակ Կորյանի նման ֆուտբոլիստի հետ։ Հիշեցնենք, որ 19-ամյա հարձակվողը պայմանագրի վերաբերյալ համաձայնության չի հասել «Լոկոմոտիվի» հետ եւ հեռացել է մոսկովյան ակումբից։
«Ակումբը գումարներ է ներդրել Կորյանի կարիերայի մեջ, ծնողներին աշխատանքի դասավորել «Լոկոմոտիվում», իսկ նա լքել է թիմը։ Բրավո, գործակալ, բրավո, Կորյան՝ հեռու կգնան։ «Կրասնոդարը» ոչ մի դեպքում չէր վերցնի այդպիսի ֆուտբոլիստի»,- Թվիթերում գրել է Գալիցկին։
Հիշեցնենք, որ ընթացիկ մրցաշրջանում Կորյանը Ռուսաստանի երիտասարդական առաջնության 14 խաղում խփել է 13 գնդակ։ Կորյանը Ռուսաստանի երիտասարդական թիմի խաղացող է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։