Ֆլորենտինո Պերես. Միշտ օգնել եմ Կասիլյասին, իսկ Մոուրինյոյից հաղորդագրություններ եմ ստանում
10:38 18 դեկտեմբերի, 2014Մադրիդի «Ռեալի» նախագահ Ֆլորենտինո Պերեսը հայտարարել է, որ միշտ պատրաստ է օգնել դարպասապահ Իկեր Կասիլյասին եւ շարունակում է խոսել պորտուգալացի Ժոզե Մոուրինյոյի հետ:
«Միշտ հիանալի հարաբերություններ եմ ունեցել Կասիլյասի հետ: Իկերը գիտի, որ օգնել եմ իրեն ցանկացած հարցում, որը եղել է իմ ուժերի սահմաններում: Երբեմն Մոուրինյոն ուղարկում է հաղորդագրություններ: Պորտուգալացին ինձ շնորհավորեց Չեմպիոների լիգայի հաղթող դառնալու կապակցությամբ: Մոուրինյոն ճիշտ դիրքորոշում է ունեցել որոշ հարցերում»,- Պերեսի խոսքը փոխանցում է El Larguero-ն:
Հիշեցնենք, որ Իկեր Կասիլյասը կորցրեց տեղը «Ռեալի» մեկնարկային կազմում , երբ մադրիդյան ակումբը գլխավորում էր Ժոզե Մոուրինյոն, ով այժմ «Չելսիի» գլխավոր մարզիչն է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։