Չավին՝ Գվարդիոլայի հետքերով

«Բարսելոնայի» իսպանացի կիսապաշտպան Չավին չի բացառել, որ ապագայում կգլխավորի կատալոնական ակումբը՝ հետեւելով իր նախկին թիմակից Խոսեպ Գվարդիոլայի օրինակին։  

«Հուսով եմ՝ կկարողանամ հետեւել Խոսեպ Գվարդիոլայի օրինակին։ Ակնհայտ է, որ կարիերաս մոտենում է ավարտին։ Զգում եմ, որ ավելի բարդ եմ վերականգնվում։ Այլեւս այն մարզավիճակում չեմ, որպեսզի խաղամ ամեն օր։ Երբ սկսում էի կարիերաս, բոլորն ասում էին, որ հերոսանալու եմ․ դա բարդ էր։ Ցանկանում եմ չդավաճանել ինքս ինձ, իսկ բոլորն ինձ համարում են նոր Գվարդիոլա»,- Չավիի խոսքը մեջբերում է Goal.com-ը:

Հիշեցնենք, որ 34-ամյա իսպանացին ամբողջ կարիերան անցկացրել է «Բարսելոնայում»։