Գվարդիոլա. «Ոսկե գնդակը» պետք է ստանա գերմանացի խաղացող
00:24 29 նոյեմբերի, 2014Մյունխենի «Բավարիայի» իսպանացի գլխավոր մարզիչ Խոսեպ Գվարդիոլան կարծում է, որ այս տարի «Ոսկե գնդակը» պետք է ստանա աշխարհի չեմպիոն Գերմանիայի հավաքականի ֆուտբոլիստներից մեկը: Գերմանացիներից հիմնական թեկնածուներն են համարվում Մանուել Նոյերն ու Թոմաս Մյուլերը:
«Բոլորի ուշադրության կենտրոնում է այժմ «Ոսկե գնդակի» թեման: «Բավարիայի» մի քանի ֆուտբոլիստներ արժանի են այդ մրցանակին: Թեկնածուների ցուցակում հայտնված բոլոր ֆուտբոլիստներն են մեծագույններից են: Մեսին ու Ռոնալդուն միշտ հիմնական հավակնորդներն են: Բայց ամբողջ աշխարհը տեսավ, թե ինչ էին անում Գերմանիայի հավաքականի ֆուտբոլիստներն աշխարհի առաջնությունում»,- Գվարդիոլայի խոսքը մեջբերում է Bild-ը:
Այս տարի «Ոսկե գնդակն» աշխարհի չեմպիոններից մեկին շնորհելու կողմնակից է նաեւ ՈւԵՖԱ-ի նախագահ Միշել Պլատինին: «Ռեալի» ղեկավարությունը տարակուսանք է հայտնել եվրոպական ֆուտբոլի ղեկավարի ոչ չեզոք դիրքորոշման վերաբերյալ:
«Ոսկե գնդակի» հավակնորդների եզրափակիչ եռյակը կհրապարակվի դեկտեմբերի 1-ին, իսկ դափնեկիրը հայտնի կդառնա հունվարի 12-ին Ցյուրիխում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։