Օզբիլիսը մարզվում է գնդակով
16:38 28 նոյեմբերի, 2014Մոսկվայի «Սպարտակի» եւ Հայաստանի հավաքականի կիսապաշտպան Արաս Օզբիլիսը ծնկի երկու վիրահատություններից հետո առաջին անգամ մարզվել է գնդակով, տեղեկացնում է ակումբի կայքը: 24-ամյա Օզբիլիսը խաղադաշտ է դուրս եկել «Սպարտակի» ֆուտբոլիստների հետ, սակայն մարզվել է անհատական ծրագրով:
«Վիրահատությունից հետո առաջին ամիսը շատ ծանր էր: Այժմ կրկին մարզվում եմ խաղադաշտում եւ օրեցօր ավելացնում եմ ծանրաբեռնվածությունը: Աշխատում եմ գնդակով եւ վերջապես կրկին ինձ զգում եմ ֆուտբոլիստ: Իհարկե, երկրպագուների աջակցությունը շատ օգնեց ապաքինվելու ընթացքում: Քրտնաջան կաշխատեմ, որպեսզի մրցաշրջանի գարնանային հատվածում պատրաստ լինեմ լիովին»,- ասել է Օզբիլիսը:
Հիշեցնենք, որ Օզբիլիսը վնասվածք էր ստացել մայիսի 31-ին կայացած Ալժիր - Հայաստան ընկերական հանդիպման ժամանակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։