Մադրիդի «Ռեալի» դարպասապահ Կեյլոր Նավասը մեկնաբանել է Չեմպիոնների լիգայի խմբային մրցաշարի 5-րդ տուրում Արքայական ակումբի հաղթանակը (1:0) շվեյցարական «Բազելի» նկատմամբ:
«Յուրաքանչյուրն է ցանկանում խաղալ Չեմպիոնների լիգայում: Ես ուրախ եմ, որ իմ ներդրումն ունեցա թիմի հաղթանակում: Աստիճանաբար ես ավելի մեծ շանս եմ ստանում ամրապնդվել «Ռեալի» մեկնարկային կազմում: Յուրաքանչյուր ֆուտբոլիստ ցանկանում է ունենալ առավելագույն խաղային ժամանակ»,- Նավասի խոսքը մեջբերում է Goal.com-ը:
Հիշեցնենք, որ կոստառիկացի դարպասապահը «Բազելի» դեմ խաղում «Ռեալի» մեկնարկային կազմում էր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։