Ռիբերի. «Ոսկե գնդակը» պետք է ստանա Նոյերը, բայց չեմ հավատում
14:08 27 նոյեմբերի, 2014Այս տարի «Ոսկե գնդակի» գլխավոր հավակնորդը աշխարհի չեմպիոն Գերմանիայի հավաքականի եւ Մյունխենի «Բավարիայի» դարպասապահ Մանուել Նոյերն է, հայտարարել է մյունխենյան ակումբի ֆրանսիացի կիսապաշտպան Ֆրանկ Ռիբերին, որը սակայն չի հավատում, թե այդպես կլինի:
«Կամ Մանուել Նոյերը, կամ էլ Արյեն Ռոբենը պետք է այս տարի արժանանան «Ոսկե գնդակի»: Այլ թեկնածու ինձ համար չկա: Նոյերը նվաճել է աշխարհի չեմպիոնի տիտղոսը, լավագույն դարպասապահի մրցանակը, Գերմանիայի չեմպիոնի կոչումը: Ռոբենը լավն էր եւ Բունդեսլիգայում, եւ աշխարհի առաջնությունում:
Այդուամենայնիվ, չեմ հավատում, որ «Ոսկե գնդակը» արդար կհանձնեն լավագույնին: Այդ մրցանակաբաշխությունում կա ավելի շատ քաղաքականություն, քան սպորտ»,- Ռիբերի խոսքը մեջբերում է Bild-ը:
«Ոսկե գնդակի» հավակնորդների եզրափակիչ եռյակը կհրապարակվի դեկտեմբերի 1-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։