Հենրիխ Մխիթարյանն այդպես էլ ռմբարկու չի դառնա, գրել է գերմանական WAZ-ը՝ մեկնաբանելով Դորտմունդի «Բորուսիայի» պարտությունը Չեմպիոնների լիգայի խմբային մրցաշարի 5-րդ տուրում: Հենրիխ Մխիթարյանի խաղը գնահատվել է 4.5-ով՝ առավելագույնը 1-ն է:
«Հենրիխ Մխիթարյանը երկու իրական գոլային պահ բաց թողեց «Արսենալի» դեմ խաղում: Առաջին դեպքում, նա շեղ հարվածեց, իսկ երկրորդ անգամ հարվածեց ուղիղ դարպասապահի վրա: Մխիթարյանն այդպես էլ չի դառնա ռմբարկու: Նա մի քանի գեղեցիկ փոխանցումներ կատարեց, սակայն հաճախ էր կորցնում գնդակը եւ ոչնչով աչքի չընկավ»,- գրում է պարբերականը:
Հիշեցնենք, որ «Բորուսիան» Լոնդոնում «Արսենալին» պարտվեց 0:2 հաշվով: Երկու թիմերն էլ ապահովել են փլեյ-օֆֆի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։