Մեսին առաջին ձախլիկն է, ով աջ ոտքով հեթ-տրիկ է ձեւակերպել Չեմպիոնների լիգայում

21:30   26 նոյեմբերի, 2014

Կատալոնական «Բարսելոնայի» եւ Արգենտինայի հավաքականի հարձակվող Լիոնել Մեսին Չեմպիոնների լիգայում ամենաշատ գոլ խփած ֆուտբոլիստը դառնալուց բացի այս մրցաշարում գրանցել է եւս մեկ ուշագրավ ցուցանիշ, գրում է AS-ը:

27-ամյա Մեսին առաջին ձախլիկն է, ով աջ ոտքով հեթ-տրիկ է ձեւակերպել Չեմպիոնների լիգայում: Կիպրոսյան ԱՊՕԷԼ-ի դեմ 5-րդ տուրի խաղում արգենտինացին 3 գոլերն էլ խփել էր իր ոչ ուժեղ աջ ոտքով:

Հիշեցնենք, որ Կիպրոսում Մեսին Չեմպիոնների լիգայում իր գոլերի քանակը հասցրել էր 74-ի՝ 3 գնդակով գերազանցելով Իսպանիայի հավաքականի եւ Մադրիդի «Ռեալի» լեգենդար հարձակվողի Ռաուլի ռեկորդը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։