Սերխիո Ռամոսի խոսքը վիրավորել է Ֆաբրեգասին
19:40 26 նոյեմբերի, 2014Լոնդոնի «Չելսիի» կիսապաշտպան Սեսկ Ֆաբրեգասը վիրավորվել է Մադրիդի «Ռեալի» ֆուտբոլիստ Սերխիո Ռամոսի խոսքից: Ռամոսը հայտարարել էր, որ որոշ ֆուտբոլիստներ պետք է ավելի պատասխանատու լինեն հավաքականի առաջ:
«Ռամոսի խոսքը վիրավորական է: Պետք չէ կասկածել իմ հավատարմությանը: Միշտ էլ ընդունել եմ հավաքականի հրավերները, չնայած հաճախ չէի ընդգրկվում մեկնարկային կազմում: Վնասվածք ունեի եւ խաղալու դեպքում «կարժանանայի» Մոդրիչի ճակատագրին: Այդ մասին խոսել ենք հեռախոսով եւ այժմ չունենք տարաձայնություններ»,- Ֆաբրեգասի խոսքը մեջբերում է Cadena Cope-ն:
Հիշեցնենք, որ Ֆաբրեգասը վնասվածքի պատճառով մերժել էր Իսպանիայի հավաքականը հրավերը եւ չի մասնակցել Եվրո-2016-ի ընտրական փուլի Բելառուսի ազգային թիմի ու Գերմանիայի հավաքականի հետ ընկերական խաղերին: Մոդրիչը Խորվաթիայի հավաքականում ստացել է վնասվածք եւ բաց կթողնի երեք ամիս:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։