Չեմպիոնների լիգա. Մեսին գերազանցեց Ռաուլի ռեկորդը
00:27 26 նոյեմբերի, 2014Կատալոնական «Բարսելոնայի» արգենտինացի հարձակվող Լիոնել Մեսին, նոյեմբերի 26-ին գոլի հեղինակ դառնալով կիպրոսյան ԱՊՕԷԼ-ի դեմ արտագնա խաղում, դարձավ Չեմպիոնների լիգայում ամենաշատ գոլ խփած ֆուտբոլիստը:
27-ամյա Մեսին 72-րդ գոլը խփեց Եվրոպայի ամենահեղինակավոր ակումբային մրցաշարում՝ մեկ գնդակով գերազանցելով Իսպանիայի հավաքականի եւ Մադրիդի «Ռեալի» լեգենդար հարձակվողի Ռաուլի ռեկորդը:
«Ռեալի» պորտուգալացի հարձակվող Կրիշտիանո Ռոնալդուն Չեմպիոնների լիգայում խփել է 70 գոլ:
Հիշեցնենք, որ նոյեմբերի 22-ին Մեսիին 253 գոլով դարձել էր Իսպանիայի առաջնությունում ամենաշատ գոլ խփած ֆուտբոլիստը՝ 2 գնդակով գերազանցելով Բիլբաոյի «Աթլետիկի» նախկին հարձակվող Տելմո Սարայի ռեկորդը: Մոտ 60 տարվա ռեկորդը գերազանցելու համար Մեսիից պահանջվել էր 289 հանդիպում, իսկ Սարան 251 գոլ խփել էր 278 խաղում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։