Մխիթարյանի գնահատականը եւ վիճակագրությունը
18:48 24 նոյեմբերի, 2014Whoscored.com-ը ներկայացրել է Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի գնահատականը եւ վիճակագրությունը Գերմանիայի առաջնության 12-րդ տուրի «Պադերբորնի» հետ խաղում:
Մխիթարյանը չի հարվածել մրցակցի դարպասին: 25-ամյա ֆուտբոլիստը կատարել է 48 փոխանցում՝ 70.8 տոկոս ճշգրտությամբ: Հենրիխը երկու անգամ շրջանցել է մրցակիցներին, երեք անգամ խլել գնդակը, երեք անգամ հաղթող դուրս եկել օդային պայքարում: Մխիթարյանը երկու անգամ հայտնվել է խաղից դուրս վիճակում, մեկ անգամ խախտել կանոնները, իսկ նրա հետ պայքարում «Պադերբորնի» ֆուտբոլիստները կանոնները խախտել են երկու անգամ: Կիսապաշտպանը ստացել է 7.05 գնահատականը, որը հինգերորդն է «Բորուսիայում»: Դորտմունդցիների կազմում ամենաբարձր գնահատականը ստացել է Պյեր-Էմերիկ Օբամեյանգը (7.85):
Հիշեցնենք, որ հանդիպումն ավարտվել է 2:2 հաշվով, իսկ Մխիթարյանը «Բորուսիայի» մեկնարկային կազմում անցկացրել է 86 րոպե:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։