«Արսենալի» ֆանատը ձերբակալվել է «Մանչեսթեր Յունայթեդի» դեմ խաղի ժամանակ

15:40   24 նոյեմբերի, 2014

Լոնդոնի «Արսենալի» երկրպագուներից մեկը ձերբակալվել է «Մանչեսթեր Յունայթեդի» դեմ Պրեմյեր լիգայի 12-րդ տուրի խաղում հյուրերի պահեստայինների նստարանի ուղղությամբ կարմիր գինով լի բաժակ նետելու համար, տեղեկացնում է theguardian.com-ը:

Միջադեպը տեղի է ունեցել մանչեսթերցիների առաջին գոլը տոնելու ժամանակ: Եթե երկրպագուն մեղավոր ճանաչվի, նրան կարող են արգելել ներկա գտնվել «Արսենալի» խաղերին: Դեռ հայտնի չէ՝ «Մանչեսթեր Յունայթեդը» պաշտոնական բողոք ներկայացնելու է միջադեպի վերաբերյալ, թե՝ ոչ:

Հիշեցնենք, որ լոնդոնյան խաղում Լուի վան Գալի թիմը հաղթել էր 2:1 հաշվով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։