Ֆուտբոլի Իսպանիայի առաջնության 12-րդ տուրում Մադրիդի «Ռեալը» 4:0 հաշվով արտագնա հաղթանակ տարավ Պրիմերայի նորեկ «Էյբարի» նկատմամբ:
Արքայական ակումբից դուբլի հեղինակ դարձավ Պորտուգալիայի հավաքականի հարձակվող Կրիշտիանու Ռոնալդուն, ով 20 գոլով վստահորեն գլխավորում է Պրիմերայի ռմբարկուների ցուցակը: Հյուրերի հաղթանակին նպաստեցին նաեւ կոլումբացի Խամես Ռոդրիգեսի եւ ֆրանսիացի Քարիմ Բենզեմայի դիպուկ հարվածները:
Կարլո Անչելոտիի թիմը 30 միավորով առաջատարն է: Երկրորդ տեղում գտնվող Մադրիդի «Աթլետիկոն» ունի 26 միավոր, իսկ մեկ խաղ պակաս անցկացրած կատալոնական «Բարսելոնան» հավաքել է 25 միավոր եւ այս տուրում կընդունի «Սեւիլիային»:
Իսպանիայի առաջնություն, 12-րդ տուր
«Էյբար» - «Ռեալ»՝ 0:4
Խամես Ռոդրիգես, 23, Կրիշտիանու Ռոնալդու, 43, 82, Քարիմ Բենզեմա, 70
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։