«Բարսելոնայի» նախագահ. Պիկեն պետք է կենտրոնանա ֆուտբոլի վրա
15:40 22 նոյեմբերի, 2014«Բարսելոնայի» նախագահ Խոսեպ Բարտոմեուն թիմի պաշտպան Ժերար Պիկեին կոչ է արել վերլուծել ոչ մարզական դրվագներում սեփական վարքը եւ կենտրոնանալ ֆուտբոլի վրա, հաղորդում է mundodeportivo-ն:
27-ամյա իսպանացի ֆուտբոլիստը խաղի ժամանակ բջջային հեռախոսից օգտվելու համար տուգանվել էր կատալոնացիների գլխավոր մարզիչ Լուիս Էնրիկեի կողմից: Ավելի վաղ Պիկեն ավտոմեքենայի սխալ կանգառման պատճառով վիճել էր ոստիկանների հետ:
«Պիկեն նախկինի նման հաճախ չի խաղում, բայց դա խնդիր չէ: Մենք նրա հետ քննարկել ենք բոլոր դրվագները եւ հայտնել ենք մեր կարծիքը: Այդ ամենը պետք է չկրկնվի: Հույս ունենք, որ կկարողանանք վերջ դնել այդ միտումներին: Պիկեն պետք է կենտրոնանա աշխատանքի վրա»,- ասել է «Բարսելոնայի» նախագահը:
Ֆուտբոլիստը ընթացիկ մրցաշրջանում բոլոր մրցաշարերում մասնակցել է «Բարսելոնայի» ութ հանդիպման եւ խփել է մեկ գնդակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։