Միլոշեւիչ. Անձամբ կհամոզեմ Սուբոտիչին վերադառնալ Սերբիայի հավաքական
10:22 22 նոյեմբերի, 2014Սերբիայի ֆուտբոլի միության փոխնախագահ Սավո Միլոշեւիչը մտադիր է Դորտմունդի «Բորուսիայի» պաշտպան Նեւեն Սուբոտիչին վերադարձնել Սերբիայի հավաքական: Սերբիայի հավաքականի նախկին գլխավոր մարզիչ Դիկ Ադվոկատը հայտարարել էր, որ 25-ամյա ֆուտբոլիստը ցանկություն չունի խաղալ ազգային թիմում: Միլոշեւիչը նաեւ նշել է, որ «Լացիոյի» հարձակվող Ֆիլիպ Ջորջեւիչը ցանկանում է խաղալ Սերբիայի հավաքականում:
«Հավաքականի մեկնարկային կազմում ոչ մի ֆուտբոլիստի համար ապահովագրված չէ տեղը: Նույն Ջորջեւիչը պետք է հասկանա, որ Սերբիայի հավաքականին հարկավոր չեն ֆուտբոլիստներ, որոնց չի հետաքրքրում թիմի շահերը: Նա չի հրաժարվել խաղալ հավաքականում: Մեր թիմը չունի բարձրակարգ ֆուտբոլիստների պակաս, սակայն բացակայում է նվիրվածությունը:
Անձամբ կհանդիպեմ Սուբոտիչի հետ, որպեսզի նրան համոզեմ վերադառնալ հավաքական»,- Միլոշեւիչի խոսքը փոխանցում է sportski-ն:
Հիշեցնենք, որ Սերբիայի եւ Հայաստանի հավաքականները Եվրո-2016-ի ընտրական նույն խմբում են:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։