Մադրիդի «Ռեալի» պաշտպան Մարսելոն նշել է, որ Անչելոտին սովորեցնում է իրենց հաղթել:
«Անչելոտին թողնում է, որ մենք իմպրովիզացիոն ֆուտբոլ խաղանք եւ հաճույք ստանանք դրանից: Նա լիովին վստահում է մեզ: Կարլոն շատ հանգիստ մարդ է, ամեն ինչ դեմքին է ասում, ինչը շատ կարեւոր է:
Անչելոտին հաղթող է եւ այդ հաղթական ցանկությունը փոխանցում է մեզ: Մենք գիտենք, որ ինչ-որ բան հաղթելու համար պետք է միասնականություն»,- Մարսելոյի խոսքն է մեջբերում «Ռեալի» պաշտոնական կայքը:
Անչելոտիի գլխավորությամբ Արքայական թիմն անցած մրցաշրջանում հաղթել է Չեմպիոնների լիգայում եւ Իսպանիայի գավաթի խաղարկությունում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։