Վճռաբեկը ժամանակավորապես դադարեցրեց Զիդանի որակազրկումը
20:23 31 հոկտեմբերի, 2014Մարզական վճռաբեկ դատարանը որոշել է ժամանակավորապես դադարեցնել Մադրիդի «Ռեալի» երկրորդ թիմի գլխավոր մարզիչ Սանտյագո Սանչեսի եւ երկրորդ մարզիչ Զինեդին Զիդանի որակազրկումը, հաղորդում է Արքայական ակումբի կայքը:
Զիդանն ու Սանչեսը կկարողանան շարունակել կատարել իրենց պարտականությունները մինչեւ դատարանի Բողոքարկման կոմիտեի վերջնական որոշումը:
Մադրիդի «Ռեալի» գլխավոր մարզիչ Կարլո Անչելոտիի նախկին օգնական Զինեդին Զիդանն օգոստոսից է անցել աշխատանքի երկրորդ թիմում: Պաշտոնապես նա «Ռեալ Կաստիլիայի» գլխավոր մարզիչի օգնականն է: Որակազրկման պատճառը համապատասխան մարզչական արտոնագրի բացակայությունն է: Իսպանիայի ֆուտբոլի թագավորական ֆեդերացիան 42-ամյա ֆրանսիացի մասնագետին որակազրկել է երեք ամսով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։