Չեմ կարծում, որ ես կստանամ «Ոսկե գնդակը», քանի որ չեմ մասնակցել աշխարհի առաջնությանը, հայտարարել է ֆրանսիական ՊՍԺ-ի եւ Շվեդիայի հավաքականի հարձակվող Զլատան Իբրահիմովիչը, փոխանցում է Goal.com-ը:
«Ես անցկացրի իմ լավագույն մրցաշրջանը կարիերայիս ընթացքում: Իմ նպատակն է առաջադիմել ամեն հաջորդ մրցաշրջանում: Չեմ կարծում, որ կստանամ «Ոսկե գնդակը»: Աշխարհի առաջնությունում շատ ֆանտաստիկ ֆուտբոլիստներ պարզապես փայլում էին: Նրանք կունենան առավելություն իմ նկատմամբ»,- ասել է Զլատան Իբրահիմովիչը, որը «Ոսկե գնդակի» 23 հավակնորդների մեջ է:
Հավակնորդների եզրափակիչ եռյակը հայտնի կդառնա դեկտեմբերի 1-ին, իսկ «Ոսկե գնդակի» մրցանակաբաշխությունը տեղի կունենա 2015թ. հունվարի 12-ին Ցյուրիխում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։