Պորտուգալիայի հավաքականի գլխավոր մարզիչ Ֆերնանդու Սանտուշը գովել է թիմի առաջատար Կրիշտիանու Ռոնալդուին:
«Ռոնալդուն ծնվել է հաղթանակների համար: Հաղթելը եւ ռեկորդներ սահմանելը նրա գեներում է: Հուսով եմ՝ Պորտուգալիայի հավաքականում նա կգրանցի հերթական ռեկորդը եւ գլխավերեւում կպահի գավաթ: Հիանալի կլիներ, եթե այդ հաջողությունը Ռոնալդուն ունենար Ֆրանսիայում կայանալիք Եվրո-2016-ում: Կպայքարենք այդ նպատակն իրականություն դարձնելու համար: Պորտուգալիայի հավաքականն ունի այդ ներուժը»,- Սանտուշի խոսքը փոխանցում է Goal.com-ը:
Հիշեցնենք, որ Պորտուգալիայի հավաքականը Հայաստանի ազգային թիմի հետ ընգրկված է Եվրո-2016-ի ընտրական նույն խմբում: Պորտուգալիա - Հայաստան հանդիպումը կկայանա նոյեմբերի 14-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։