RuhrNachrichten-ը Մխիթարյանին տվել է ամենացածր գնահատականը
13:22 29 հոկտեմբերի, 2014RuhrNachrichten-ը գնահատել է Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանի խաղը Գերմանիայի Գավաթի 1/16-րդ եզրափակիչի «Սանկտ Պաուլիի» հետ մրցավեճում: 25-ամյա ֆուտբոլիստը ստացել է 4 գնահատականը, որն ամենացածրն է Յուրգեն Կլոպի թիմի կազմում: Ամենաբարձր գնահատականը ստացել է դարպասապահ Միտչել Լանգերակը (2):
«Հանդիպման սկզբում Մխիթարյանը փորձեց աչքի ընկնել հարձակողական գործողություններով, սակայն հաճախակի էր սխալվում փոխանցումներ կատարելիս: Հայ ֆուտբոլիստը կատարեց երկու վտանգավոր հարված: Երկրորդ խաղակեսում էլ Մխիթարյանը մի քանի անգամ կորցրեց գնդակը»,- գրել է կայքը:
Հիշեցնենք, որ «Բորուսիան» հաղթեց 3:0 հաշվով եւ դուրս եկավ 1/8-րդ եզրափակիչ: Մխիթարյանը դորտմունդցիների մեկնարկային կազմում խաղաց 78 րոպե:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։