Դիեգո Սիմեոնեն՝ Իսպանիայի առաջնության լավագույն մարզիչ
09:44 28 հոկտեմբերի, 2014Ֆուտբոլի Իսպանիայի 2013/14թթ. առաջնության լավագույն մարզիչ է ճանաչվել Մադրիդի «Աթլետիկոն» գլխավորող Դիեգո Սիմեոնեն, հաղորդում է Marca-ն:
Արգենտինայի հավաքականի եւ «Աթլետիկոյի» նախկին ֆուտբոլիստի գլխավորությամբ մադրիդցիները նախորդ մրցաշրջանում դարձան Իսպանիայի չեմպիոն՝ գերազանցելով կատալոնական «Բարսելոնային» ու Մադրիդի «Ռեալին»: «Աթլետիկոն» նախորդ անգամ Իսպանիայի ուժեղագույն ակումբ հռչակվել էր 1995/96թթ. մրցաշրջանում: Սիմեոնեի գլխավորությամբ մադրիդցիները դուրս եկան նաեւ Չեմպիոնների լիգայի եզրափակիչ, որտեղ լրացուցիչ ժամանակում պարտվեցին «Ռեալին»:
44-ամյա Դիեգո Սիմեոնեն 2011-ից է գլխավորում «Աթլետիկոն», որի կազմում հանդես է եկել 1994-1997-ը եւ 2003-2005-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։