Լուիս Սուարես vs «Ռեալ»
22:33 25 հոկտեմբերի, 2014Ուրուգվայի հավաքականի եւ կատալոնական «Բարսելոնայի» հարձակվող Լուիս Սուարեսը հոկտեմբերի 25-ին առաջին պաշտոնական խաղն անցկացրեց 4-ամսյա որակազրկումից հետո՝ մասնակցելով «Էլ Կլասիկոյին»: Մադրիդի «Ռեալի» դեմ ֆուտբոլի Իսպանիայի առաջնության 9-րդ տուրի խաղում Սուարեսը «Բարսելոնայի» մեկնարկային կազմում խաղաց 69 րոպե:
Տեսանյութում նրա մասնակցությամբ լավագույն դրվագներն են «Էլ Կլասիկոյում», որում «Ռեալը» կամային հաղթանակ տարավ 3:1 հաշվով:
Հիշեցնենք, որ Բրազիլիայում կայացած աշխարհի առաջնությունում Իտալիայի հավաքականի եւ Թուրինի «Յուվենտուսի» պաշտպան Ջորջո Կյելինիի ուսը կծելու համար Սուարեսը որակազրկվել էր 4 ամսով: Նրա որակազրկման ժամկետը լրացել է հոկտեմբերի 24-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։