Ֆուտբոլի Հայաստանի առաջնության 11-րդ տուրում առաջատար «Ուլիսը» հյուրընկալվելիս 3:2 հաշվով հաղթեց հետնապահ «Արարատին»: Երեւանի «Հրազդան» ստադիոնում կայացած խաղի բոլոր գոլերը գրանցվեցին առաջին խաղակեսում: «Ուլիսը» 45-րդ րոպեից խաղում էր 10 ֆուտբոլիստներով:
«Արարատից» դուբլի հեղինակ դարձավ ամերիկացի 26-ամյա կիսապաշտպան Քոլին Քինգը, ով 2 անգամ հավասարեցրեց հաշիվը: «Ուլիսից» հերթական գոլը խփեց Հովհաննես Գոհարյանը, ով 8 գնդակով հավասարվեց ռմբարկուների ցուցակը գլխավորող մեքսիկացի Սեզար Ռոմերոյին («Փյունիկ»): Երկրորդ խաղակեսում 2 թիմերն էլ ունեցան գոլային պահեր, սակայն հաշվի մեջ փոփոխություններ չգրանցվեցին:
«Ուլիսը» տարավ 9-րդ անընդմեջ հաղթանակը եւ 31 միավորով առաջատարն է:
Հայաստանի Բարձրագույն խումբ, 11-րդ տուր
«Արարատ» - «Ուլիս»՝ 2:3
Քոլին Քինգ, 27, 39 – Հովհաննես Գոհարյան, 6, Արտակ Ալեքսանյան, 33 (11մ.), Լուբադո Մուսոնդա, 44
Հեռացում՝ Սլոբոդան Լալիչ, 45 («Ուլիս»)
«Բանանց» - «Միկա»՝ 0:2
Անդրանիկ Ոսկանյան, 32, Տիգրան Բարսեղյան, 46
Ֆոտո՝ ՈւԵՖԱ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։