Կրիշտիանու Ռոնալդուն ճիշտ է, երբ ասում է, որ օրացույցը բոլորի համար պետք է հավասար պայմաններ ստեղծի, ասել է «Բարսելոնայի» գլխավոր մարզիչ Լուիս Էնրիկեն:
«Օրացույցը պետք է բոլորի համար հավասար լինի: Ռոնալդուն ճիշտ է: Ես եւս կցանկանայի ավելի ուշ խաղալ, բայց մենք բոլորս որոշ աստիճանով պատանդ ենք, քանի որ պետք է հաշվի առնել հեռուստատեսության եւ տարբեր շուկաների շահերը: Իսկ դրանք մեր վերահսկողությունից դուրս են»,- Լուիս Էնրիկեի խոսքը մեջբերում է mundodeportivo-ն:
Չեմպիոնների լիգայի խմբային մրցաշարի երրորդ տուրից հետո «Ռեալի» պորտուգալացի հարձակվողը ուշադրություն էր հրավիրել, որ Արքայական ակումբը մինչեւ «Էլ Կլասիկոն» հանգստի համար ունի մեկ օր քիչ, քան «Բարսելոնան»:
Իսպանիայի առաջնության 9-րդ տուրի «Ռեալ» - «Բարսելոնա» հանդիպումը տեղի կունենա հոկտեմբերի 25-ին եւ կմեկնարկի Երեւանի ժամանակով 20:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։