Անցած ամռանը մենք «Լիվերպուլի» հետ չենք բանակցել եւ Լուիս Սուարեսով չենք հետաքրքրվել, հայտարարել Մադրիդի «Ռեալի» գլխավոր մարզիչ Կարլո Անչելոտիի նախկին օգնական, Արքայական ակումբի երկրորդ թիմի մարզիչ Զինեդին Զիդանը:
«Երբ «Ռեալը» ցանկանում է գնել որեւէ ֆուտբոլիստի, ապա աշխատում է մեծ համառությամբ եւ հասնում նպատակին: Սուարեսն այդ դեպքը չէ: Անկասկած, նա շատ լավ խաղացող է, սակայն մենք երբեք չենք հետաքրքրվել նրա ծառայություններով եւ չենք փորձել գնել: Անցած ամռանը մենք գնել ենք այն ֆուտբոլիստներին, որոնց ցանկանում էինք»,- Զիդանի խոսքը մեջբերում է insidespanishfootball-ը:
Հոկտեմբերի 25-ին կայանալիք «Ռեալ» - «Բարսելոնա» խաղում ուրուգվայցի հարձակվողն առաջին պաշտոնական հանդիպումը կանցկացնի կատալոնական թիմում: Իսպանիայի առաջնության 9-րդ տուրի կենտրոնական հանդիպումը Երեւանի ժամանակով 20:00-ին է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։