Պոգբան երկարաձգեց պայմանագիրը «Յուվենտուսի» հետ

14:18   24 հոկտեմբերի, 2014

Թուրինի «Յուվենտուսի» ֆրանսիացի կիսապաշտպան Պոլ Պոգբան երկարաձգել է պայմանագիրը թիմի հետ, տեղեկացնում է իտալական ակումբի կայքը:

Նոր պայմանագիրը նախատեսված է մինչեւ 2019-ը: Ֆինանսական մանրամասները չեն հրապարակվում: Ավելի վաղ լուրեր էին շրջանառվում, որ Պոգբան տարեկան կստանա 3.5-4.5 միլիոն եվրո աշխատավարձ: 21-ամյա ֆուտբոլիստի նախորդ պայմանագիրն ավարտվելու էր 2016-ին:

Ֆրանսիայի հավաքականի ֆուտբոլիստը 2012-ին է տեղափոխվել թուրինյան ակումբ: Ամռանը նրա ծառայություններով հետաքրքրված էին ՊՍԺ-ն եւ Մադրիդի «Ռեալը»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։