Ես հասկանում եմ, որ Պոդոլսկին հիասթափված է թիմում իր վիճակով, հայտարարել է Լոնդոնի «Արսենալի» գլխավոր մարզիչ Արսեն Վենգերը: Սակայն ֆրանսիացի մասնագետը նշել է, որ գերմանացի ֆուտբոլիստն այժմ մոտ է օպտիմալ մարզավիճակի եւ չի ցանկանում կորցնել նրան:
«Պոդոլսկին շարունակում է մնալ կարեւոր խաղացող մեր թիմի համար: Նա երբեք մոտ չի եղել «Արսենալից» հեռանալուն: Յուրաքանչյուր մարզիչ ցանկանում է ունենալ նրա նման ֆուտբոլիստի»,- Արսեն Վենգերի խոսքը մեջբերում է անգլիական ակումբի կայքը:
Ավելի վաղ Պոդոլսկին հայտարարել էր, որ մտադիր է առաջիկա տրանսֆերային պատուհանի ժամանակ փոխել ակումբը, քանի որ «Արսենալում» չի ստանում խաղային ժամանակ:
Հիշեցնենք, որ Չեմպիոնների լիգայի երրորդ տուրում Պոդոլսկու գոլը հաղթանակ բերեց «Արսենալին» «Անդերլեխտի» նկատմամբ (2:1):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։