ՖԻՖԱ. Հայաստանը 75-րդն է՝ առավելագույն միավոր կորցրած հավաքական
12:26 23 հոկտեմբերի, 2014Ֆուտբոլի միջազգային ֆեդերացիան հրապարակել է ազգային հավաքականների դասակարգման աղյուսակը: Հայաստանի հավաքականը 52-րդ տեղից նահանջել է 75-րդ տեղը: Բեռնար Շալանդի գլխավորած թիմը կորցրել է 124 միավոր՝ դառնալով առավելագույն միավոր կորցրած հավաքականը: Հայաստանի հետ Եվրո-2016-ի նույն ընտրական խմբում ընդգրկված Դանիայի հավաքականը 32-րդն է, Սերբիան՝ 46-ը (Թուրքիայի հետ կիսում է 46-47-րդ տեղը), Ալբանիան՝ 48-ը:
Առաջատարը աշխարհի չեմպիոն Գերմանիան է: Առաջին տասնյակում են նաեւ Արգենտինան, Կոլումբիան, Բելգիան, Հոլանդիան, Բրազիլիան, Ֆրանսիան, Ուրուգվայը, Պորտուգալիան (Հայաստանի հետ՝ նույն ընտրական խմբում) ու Իսպանիան:
Հիշեցնենք, որ Եվրոպայի առաջնության ընտրական մրցաշարում Հայաստանի հավաքականը 1:1 հաշվով խաղաց Սերբիայի հետ, իսկ ընկերական խաղում 0:3 հաշվով պարտվեց Ֆրանսիային:
Առավելագույն տեղ զիջած թիմը Ադրբեջանն է, որը նահաջել է 73 տեղ եւ 126-րդ տեղում է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։