Ռուսաստանի նախագահ Վլադիմիր Պուտինը նոյեմբերի 7-ին Սոչիում ներկա կլինի շախմատի աշխարհի չեմպիոնական մրցամարտի բացմանը: Նորվեգացի աշխարհի չեմպիոն Մագնուս Կարլսենը եւ հնդիկ հավակնորդ Վիշվանաթան Անանդը մինչեւ նոյեմբերի 28-ը կպայքարեն չեմպիոնական թագի համար: Մրցամարտի առաջին քայլն անելու պատիվը կտրվի Ռուսաստանի նախագահին:
«Պուտինի ձեռքը սեղմելու մասին հարցն էական չէ: Ես Սոչիում չեմ պատրաստվում աղմուկ բարձրացնել»,- Մագնուս Կարլսենի խոսքը մեջբերում է Dagbladet-ը:
Հիշեցնենք, որ Մագնուս Կարլսենի թիմը դիտարկում էր Սոչիում մրցամարտն անցկացնելուց հրաժարվելու տարբերակը՝ կապված Ուկրաինայի ճգնաժամի հետ:
«Մենք դիմել ենք Նորվեգիայի Արտաքին գործերի նախարարություն եւ Մոսկվայում Նորվեգիայի դեսպանատուն, որպեսզի քննարկենք քաղաքական կողմը: Մագնուսը կլինի Սոչիում շախմատ խաղալու համար: Մենք քաղաքականությամբ չենք զբաղվում: Նա պետք է կենտրոնացած լինի Անանդի դեմ մրցախաղի վրա»,- ասել է Կարլսենի մենեջերը:
Նորվեգիայի վարչապետը մերժել է ՖԻԴԵ-ի հրավերը եւ չի ժամանի մրցամարտին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։