Ֆոգտսը հեռացել է Ադրբեջանի հավաքականի գլխավոր մարզիչի պաշտոնից

Ադրբեջանի հավաքականի գլխավոր մարզիչ Բերտի Ֆոգտսը հեռացել է զբաղեցրած պաշտոնից, տեղեկացնում է championat-ը: Այս մասին գերմանացի մասնագետը հայտնել է Ադրբեջանի ֆուտբոլի ֆեդերացիայի նախագահ Ռովնագ Աբդուալեւի հետ Ցյուրիխում կայացած հանդիպման ժամանակ:

Ֆոգտսը նշել է, որ Ադրբեջանի հավաքականի գլխավոր խնդիրը շարունակում է մնալ ֆիզիկական թույլ պատրաստվածությունը: Աբդուլաեւն ասել է, որ մասնագետի գլխավորությամբ Ադրբեջանի հավաքականը ռեկորդային միավորներ է վաստակել ընտրական փուլի ընթացքում եւ ՖԻՖԱ-ի դաակարգման աղյուսակում բարձրացել 73-րդ տեղ:

Ֆոգտսն Ադրբեջանի հավաքականի գլխավոր մարզիչ էր նշանակվել 2008-ին: Նրա գլխավորությամբ վերջին խաղում Ադրբեջանը Եվրո-2016-ի ընտրական փուլում 0:6 հաշվով պարտվել է Խորվաթիայի հավաքականին: