Քարիմ Բենզեմա. Ֆրանսիայի թիմն այսօր մեծ աշխատանք կատարեց
23:52 14 հոկտեմբերի, 2014Հայաստանի հավաքականի նկատմամբ առավելության հասնելուց հետո Ֆրանսիայի հավաքականի եւ Մադրիդի «Ռեալի» հարձակվող Քարիմ Բենզեման նշել է ընկերական հանդիպումների նշանակությունն ու գնահատել ֆրանսիացիների կատարածը, Երեւանի «Հանրապետական» ստադիոնից փոխանցում է NEWS.am Sport-ի թղթակիցը:
«Ընկերական հանդիպումներում նույնպես պետք է հաղթել, շարժառիթ ունենալ, լինել լավ մարզավիճակում: Կարծում եմ՝ թիմն այսօր մեծ աշխատանք կատարեց: Ֆրանսիայի հավաքականի համար միշտ կարեւոր է գոլեր խփել, այսօր մեր թիմը շատ էր շարժվում: Աշխարհի առաջնությունից հետո մենք առաջադիմում ենք: Ես ինձ այժմ լավ եմ զգում եւ պատրաստվում եմ միանալ ակումբիս»,- նշել է Քարիմ Բենզեման:
Հիշեցնենք, որ Եվրո-2016-ի կազմակերպիչ Ֆրանսիայի հավաքականը Երեւանում կայացած ընկերական խաղում Հայաստանի հավաքականին պարտության մատնեց 3:0 հաշվով:
Վերա Մարտիրոսյան
Ֆոտո՝ Արսեն Սարգսյան / NEWS.am Sport
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։