«Օլիմպիակոսի» ֆանատները Շվեդիայում բախվել են ոստիկանների հետ

19:51   1 հոկտեմբերի, 2014

Շվեդիա ժամանած հունական «Օլիմպիակոսի» ֆանատները Մալմյոյի օդանավակայանում բախվել են ոստիկանների եւ թիկնապահների հետ, հայտնում է Goal.com-ը:

Բախումը սկսվել է այն բանից հետո, երբ հույն ֆանատներից մեկը գողություն է կատարել խանութից: Նրան կանգնեցրել է թիկնապահը, ինչից հետո մոտ 15 հույներ փորձել են օգնել իրենց հայրենակցին: 25-ամյա երկրպագուն ձերբակալվել է, իսկ մյուսներին ազատ են արձակել:

«Օլիմպիակոսի» ֆանատները Շվեդիա են ժամանել «Մալմյոյի» դեմ Չեմպիոնների լիգայի խմբային փուլի երկրորդ տուրի խաղի համար: 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։