Գեղասահքի կանանց մենասահքի օլիմպիական չեմպիոն Յուլիա Լիպնիցկայան անհաջող չմուշկների պատճառով բաց կթողնի հոկտեմբերի 4-ին մեկնարկելիք Ճապոնիայի բաց առաջնությունը, հաղորդում է itar-tass-ը:
Մրցաշրջանի առաջին մեկնարկը ռուսաստանցի մարզուհու համար կլինի նոյեմբերի 7-9-ը Շանհայում անցկացվելիք Գրան պրի մրցաշարը:
«Մեծ ափսոսանքով ստիպված եղա հրաժարվել Ճապոնիայում հանդես գալուց: Պատճառը նոր չմուշկներն են: Արդեն երրորդ զույգն եմ փոխում այս մրցաշրջանում: Ցավալի է, քանի որ Ճապոնիայում շատ են սիրում գեղասահք եւ անհամբեր սպասում են յուրաքանչյուր մեկնարկին: Բացի այդ, հայտավորված եմ Շանհայի Գրան պրիում եւ ստիպված կլինեմ մասնակցել առանց սահքային փորձի: Այդ իմաստով Ճապոնիայի մրցաշարը շատ կարեւոր էր»,- ասել է Յուլիա Լիպնիցկայան:
Հիշեցնենք, որ 2014թ. Սոչիի Օլիմպիական խաղերի թիմային մրցաշարում Լիպնիցկայան Ռուսաստանի հավաքականի կազմում չեմպիոն դարձավ 15 տարեկանում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։