Աշխարհի ամենատիտղոսակիր մարզիկը ձերբակալվել է
21:10 30 սեպտեմբերի, 2014Անսթափ վիճակում ավտոմեքենա վարելու եւ թույլատրված արագությունը գերազանցելու համար ձերբակալվել է 18-ակի օլիմպիական չեմպիոն, ամերիկացի լողորդ Մայքլ Ֆելփսը, հաղորդում է NYpost.com-ը:
Միջադեպը տեղի է ունեցել ԱՄՆ-ի Մերիլենդ նահանգում: Ոստիկանությունն ու 29-ամյա մարզիկի ներկայացուցիչները չեն մեկնաբանում տեղի ունեցածը:
19 տարեկանում Մայքլ Ֆելփսը անսթափ վիճակում ավտոմեքենա վարելու համար Մերիլենդ նահանգում դատապարտված է եղել 18 ամսվա պայմանական ազատազրկման:
Ֆելփսը պատմության մեջ միակ մարզիկն է, ով 18 անգամ դարձել է Օլիմպիական խաղերի չեմպիոն եւ 26 անգամ՝ աշխարհի չեմպիոն: Ամերիկացի լողորդը օլիմպիական մեդալների քանակով բացարձակ ռեկորդակիր է: Նա ունի 22 մեդալ: 2014թ. գարնանը Մայքլ Ֆելփսը երկու տարվա դադարից հետո վերսկսեց մարզական կարիերան՝ նպատակ ունենալով մասնակցել նաեւ 2016թ. Օլիմպիական խաղերին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։