Իբրահիմովիչը բաց կթողնի «Բարսելոնայի» հետ խաղը

18:52   29 սեպտեմբերի, 2014

Ֆրանսիական ՊՍԺ-ի եւ Շվեդիայի հավաքականի հարձակվող Զլատան Իբրահիմովիչը բաց կթողնի կատալոնական «Բարսելոնայի» դեմ Չեմպիոնների լիգայի խմբային փուլի խաղը, տեղեկացնում է փարիզյան ակումբի կայքը։

Նման որոշում են կայացրել ֆրանսիական ակումբի բժիշկները 32-ամյա ֆուտբոլիստի բժշկական խորը հետազոտությունից հետո։

Իբրահիմովիչը կարող է բաց թողնել նաեւ Ռուսաստանի հավաքականի հետ Եվրո-2016-ի ընտրական փուլի խաղը, որը կայանալու է հոկտեմբերի 9-ին։

ՊՍԺ - «Բարսելոնա» հանդիպումը կայանալու է սեպտեմբերի 30-ին եւ կսկսվի Երեւանի ժամանակով 22։45-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։