Մոսկվա ժամանած եւ հյուրանոցից տարհանված Մյունխենի «Բավարիայի» ֆուտբոլիստները գիշերել են նորմալ: Այդ մասին հայտնել է «Բավարիայի» մամուլի քարտուղար Մարկուս Հորվիկը:
«Բարի լույս, Գերմանի՛ա: Անցկացրինք հանգիստ գիշեր հյուրանոցում: Բոլորը նորմալ քնեցին, ամեն ինչ կարգին է»,- թվիթերյան էջում գրել է Հորվիկը:
Հիշեցնենք, որ «Բավարիայի» ֆուտբոլիստներին մոսկովյան հյուրանոցից տարհանել էին հրդեհային անվտանգության ազդանշանից հետո: Գերմանիայի չեմպիոնի խաղացողները ռեստորանում սպասել են, մինչեւ հյուրանոցում ամեն բան կարգավորվել էր:
Ռուսաստանում «Բավարիան» Չեմպիոնների լիգայի երկրորդ տուրի խաղ է անցկացնելու Մոսկվայի ԲԿՄԱ-ի հետ: Հանդիպումը կկայանա սեպտեմբերի 30-ին «Խիմկի Արենայում»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։